A Xunta prepara un Plan para potenciar o turismo cultural

Galicia non pode competir en sol e praia, pero si en turismo cultural e nos valores ambientais como os parques naturais. Ese cambio de estratexia é o que pretende relanzar a Xunta de Galicia. Para iso está a preparar Plan para o sector turístico que se estenda aos anos 2010 e 2011 e que lle dará un papel destacado aos museos e parques naturais. Segundo publica hoxe Faro de Vigo, o obxectivo que se persegue é conseguir atraer a “turistas de calidade” que saiba valorar o patrimonio galego. Nese obxectivo, a consellaría de Cultura acaba de iniciar contactos con directores de museos e organismos turísticos para deseñar a estratexia.