“Parques para vivir” é o título do programa co que o conselleiro de Medio Ambiente, Manuel Vázquez, achegará quince millóns cos que desenvolver un programa integral para os Parques Naturais. Esta medida inclúe desde campañas de mantemento da biodiversidade, creación de centros de interpretación e medidas de abastecemento ata programas de saneamento e educación ambiental. Unha fórmula que pretende fomentar a participación na xestión destes espazos e conseguir, desde este xeito, mellorar a calidade de vida dos veciños dos mesmos.
