Ludaria
O Centro Cultural Marcos Valcárcel acollía esta mañá a presentación do programa de actos que se celebrarán na cidade a coincidir con Ludaria, a asemblea da Asociación Europea de Xogos e Deportes Tradicionais. A Cidade das Burgas acollerá entre os vindeiros 20 e 23 de xuño este encontro internacional, que irá acompañado de demostracións, un coloquio e mais o VII Encontro Escolar de Xogos Tradicionais, que transcorrerá o día 22. Ademais, darase saída a dúas novas actividades que pretenden ter continuidade no tempo, unha xuntanza de modalidades galegas de Bolos, que se fará en Parada de Sil, e mais unha intervención festiva sobre as gaitas de palla.
