O XIX Ponte... nas ondas! abordará o patrimonio lúdico

Ata o vindeiro 30 de outubro está aberta a inscrición para a XIX edición de Ponte... nas ondas! A xornada multimedia escolar centrarase en 2013 na reivindicación do patrimonio lúdico galego-portugués baixo o lema Ponte a… brincar!. Os centros que desexen participar poden enviar as súas propostas de actividades sobre este tema, con liberdade para escoller o xeito de o abordar. A organización colabora no Festival europeo de xogos e deportes tradicionais que se celebrará en xuño de 2013 en Galicia, e os centros participantes terán a posibilidade de participar nas actividades deste evento.