O sector editorial celebrará as vodas de prata do libro infantil e xuvenil

Neste 2013 cúmprense os 25 anos da edición de títulos para o público infanti e xuvenil. Unha efeméride que a Asociación Galega de Editores (AGE) vai celebrar no marco dun convenio coa Consellaría de Educación e Cultura. Un documento que contempla a organización de actividades formativas relacionadas coa creación de libros dixitais e a promoción da venda en liña, tanto do libro físico como do dixital. Búscase así potenciar novos produtos para novos públicos. Este convenio concreta o xa anunciado con anterioridade, a recuperación da feira do libro de Fránkfurt como cita a que os editores asistirán co apoio da Xunta.