Os editores galegos estarán na Feira de Boloña de 2010

O director xeral de Promoción e Creación da Cultura, Francisco López Rodríguez, asegurou o apoio da Consellaría de Cultura á promoción internacional do libro infantil e xuvenil galego. Rodríguez mantivo esta mañá un encontro cos representantes da asociación GALIX na que garantiu a colaboración de Cultura na elaboración dun catálogo destas obras que se presentará na vindeira edición da Feira Internacional de Boloña, en 2010. Ademais, as dúas entidades colaborarán na promoción dos libros galegos para o máis novos na coñecida Biblioteca da Xuventude de Múnich, e baralla a posibilidade de organizar unha semana de actividades no exterior para dar a coñecer este ámbito da nosa cultura.