A XVI Edición do Premio Johán Carballeira de Poesía foi para Marta Dacosta. O xurado destacou do poemario Dun lago escuro, o "elaborado xogo simbólico" así como a atención a cuestións sociais e de xénero. A gañadora recibirá 1.500 euros e verá o seu traballo publicado polo Concello de Bueu. Ao tempo, Arancha Nogueira fíxose co premio Francisco Añón, que organiza o Concello de Outes. Andar descalza, o seu poemario, valeulle 1.200 euros e premio e a publicación da obra.
Tamén en Cangas houbo galardóns esta fin de semana. Marisa Núñez recibiou o Xoán de Cangas á creación literaria, mentres Celso Parada fíxose co de artes escénicas, Camilo Caamaño o de artes gráficas e Antonio González o de música, mentres Xosé Menduiña levou o premio de recuperación de patrimonio.
