Eli Ríos gaña o Francisco Añón de Poesía

O XVIII Certame Francisco Añón de Poesía, que convoca o Concello de Outes ten xa gañadora. A escritora Eli Ríos impúxose coa obra Doe tanto a túa ausencia, unha proposta que o xurado sinala ten moitos elementos de poema dramático e que se podería representar. Ríos obten un premio en metálico de 1.000 euros e verá publicado o seu traballo. O xurado acordou tamén concederlle un accésit a Un milagre sen ril de Alejandro Sande Corral, que será tamén editado.