Pura Tejelo faise co XIX Premio Johán Carballeira de Poesía

O Concello de Bueu, que organiza o Premio Johán Carballeira de Poesía, daba a coñecer onte a gañadora da XIX edición deste galardón. Pura Tejelo Núñez, co poemario A elegancia do século impúxose nunha xeira á que se presentaron 54 obras, unha marca na historia do certame. O xurado, composto polos poetas Ismael Ramos, Ledicia Costas e Asun Estévez destacou que o traballo vencedor "explora o cotián dun xeito profundo e elaborado, empregando un repertorio de imaxes que con nitidez nos trasladan á anécdota ou situación que deu orixe á reflexión lírica". Pura Tejelo recibirá 1.500 euros de premio e publicará o seu libro con Edicións Xerais.