Un traballo do conservatorio de Lugo premiado no Concurso Nacional de Danza

É un premio que organiza a Asociación de Apoio e promoción da Danza en España (Anaprode), para alentar e enriquecer os estudos de danza dos bailaríns amateurs e profesionais. Do certame, composto de varias categorías participaba un grupo de alumnos (9 nenas e 1 neno con idades entre os 13 e os 17 anos) cunha peza titulada “Mary Poppins”. A escenografía e coreografía deseñada por Cristina Lata Villoch, profesora do centro, acaba de valerlles o premio do Concurso Nacional de Danza.