O seu traballo en Amizade, o último acto de Alén da croa, gustou en Madrid ata tal punto que recibiu dous dos premios do Certame de coreografía de danza española e flamenco. O traballo de Quique Peón recibiu o segundo premio de coreografía, que non ten retribución económica. Ademais, conseguiu outro galardón, o que concede o Conservatorio Superior de Danza de Madrid María de Ávila, polo que será convidado a montar a súa coreografía nun obradoiro do centro.
