Os hostaleiros de Santiago implícanse na rehabilitación da Catedral

A Fundación Catedral de santiago e a Asociación Hostaleira Compostela están a trazar un convenio que permitirá a ambas entidades promover accións turísticas. Iso implica unha colaboración económica, tal e como explica hoxe La Voz de Galicia, de tal xeito que os hostaleiros asumirán obras de rehabilitación na Catedral (sen concretar aínda cales) a cambio de usar a imaxe do monumento e do Camiño de Santiago para ser un reclamo turístico. Ademais, implica desenvolver outras medidas como poñer en marcha o botafumeiro as tardes dos venres e accións publicitarias de carácter internacional.