Álex Regueiro e Alfredo Iglesias Otero son dous deseñadores que decidiron unir os seus esforzos para por en marcha Alalá, a única firma de alta costura galega. Está especializada en traxes artesáns, coidados ata o mínimo detalle con materiais de primeira calidade. Onte, o Pazo de Bendaña (sede da Fundación Eugenio Granell) acolleu a presentación de A noite de Alalá, que supuxo presentar ao público a última colección deste equipo creativo.
