O Consello da Cultura acolle unhas xornadas sobre inmigración

Inmigración, mercados laborais e traballo doméstico urbano en Europa nos séculos XVIII-XX é o título do encontro que se desenvolve entre mañá e pasado na sede do Consello da Cultura, en Santiago de Compostela. O encontro, que organiza a Universidade de Santiago de Compostela e a École des hautes études hispaniques et iberiques da Casa de Velázquez analizará desde unha perspectiva integrada distintos aspectos dos fluxos migratorios en Europa. As dinámicas migratorias e a súa relación co traballo laboral, o vencello campo e cidade ou a cuestión da inmigración e a integración sociolaboral centran as análises do evento, que estarán a cargo de recoñecidos historiadores internacionais.