O CGAC repasa a creación alternativa nunhas xornadas

Canles Alternativas de creación é o título do encontro co que grupo de investigación Arte e Estética Contemporáneas da Universidade de Santiago de Compostela e mais o Centro Galego de Arte Contemporánea analizarán as iniciativas artísticas independentes que se deron no noso contorno ao longo das últimas décadas. O encontro celebrarase na sede do CGAC entre o 23 e o 25 de maio e tratará, entre outras cuestións, a relación destas propostas coa arte institucional ou o xeito no que foron evoluíndo.