Unhas xornadas analizarán por vez primeira as moedas galegas

Por vez primeira no noso país, un encontro académico analizará a historia das moedas que se acuñaron en Galicia. A Facultade de Xeografía e Historia, en Compostela, acolle entre os vindeiros 5 e 8 de maio as I Xornadas Internacionais de Historia Monetaria de Galicia. As posibilidades das moedas á hora de documentar os feitos históricos, as peculiaridades das pezas galegas e outras cuestións serán abordadas por unha decena de especialistas internacionais neste encontro. Os organizadores recoñecen que este campo está moi pouco desenvolvido no noso país e agardan con este encontro favorecer a investigación arredor da numismática.