Tamén as mulleres peregrinaban, tanto a Compostela coma a outros focos da cristiandade. Para analizar este papel, a miúdo descoñecido, o Instituto de Estudos Galegos Padre Sarmiento celebrará, entre o 28 e o 30 deste mes, o congreso Mulleres e peregrinación na Galicia medieval. No encontro diferentes especialistas internacionais tratarán, entre outras cuestións, a historia da mona Exeria ou de Isabel de Aragón, as redes de camiños a Compostela, as mulleres nas Cantigas de Afonso X ou os actuais proxectos europeos que investigan o fenómeno das peregrinacións.
