O Instituto de Estudos Galegos Padre Sarmiento organiza para os vindeiros días 13 e 14 de novembro o encontro Religiones y guerra civil española en Europa. As xornadas, que contarán coa presenza de especialistas de Francia, Irlanda, España, Inglaterra e Portugal, analizarán o papel que as igrexas de diferentes países europeos xogaron no conflito español. Ao tempo, investigadores coma Isidro González García e José Andrés-Gallego abordarán a cuestión do xudaísmo na España dese período.
