Compañías de Bélxica, Italia, Francia, Chile, Cataluña, Euskadi, Andalucía ou Galicia encóntranse no XIV Festival de Títeres de Redondela. O evento recuncará na Vila dos Viaductos entre 14 e o 19 de maio deste ano, ofertando actuacións escolares e de sala que se suman ás que se desenvolven nas rúas da vila. Precisamente, con ocasión do Día das Letras, prográmase un especial de actuacións na rúa, e entre os días 17 e 19 haberá unha nova edición do Mercadiño Titiriteiro. Na pasada edición, o evento que organiza a Asociación Xente Titiriteira e mais a Concellaría de Cultura superou os 30.000 visitantes.
