Monicreques de todo o mundo voltarán a ocupar a Vila dos Viaductos entre os días 18 e 24 deste mes. O Festival Internacional de Títeres de Redondela Memorial Juanjo Amoedo chega á décima edición coa presenza de compañías de Brasil, Benin, Francia, Eslovenia, Bélxica ou Cataluña canda á habitual participación de grupos galegos. Os espectáculos nas rúas e en sala complementaranse cun ciclo de funcións escolares. A organización agarda superar os 25.000 espectadores que se contabilizaron na anterior edición.
