Chegan as XI Xornadas Literarias de Neda

A Facultade de Humanidades do campus de Esteiro, en Ferrol, acolle o vindeiro día 24 a xornada inaugural das XI Xornadas Literarias de Neda. O evento, que organiza este concello en colaboración coa universidade da Coruña ten a Thomas Mann como protagonista. No programa inclúense varias conferencias sobre a súa figura e obra, un obradoiro sobre o idioma alemán e a proxección do filme Morte en Venecia, que se basea na obra deste autor.