O sector teatral celebra esta noite na Coruña os premios María Casares

Hoxe, 27 de marzo é o día Mundial do Teatro. Unha cita que a profesión celebra de múltiples formas. A Asociación de Actores e Actrices (AAAD) entregará este noite os Premios Maria Casares. Será no transcurso dunha gala dirixida e conducida pola compañía BaCaNa e na que Sarabela e Voadora son os grandes favoritos. O acto, que terá lugar no Teatro Rosalia da Coruña, servirá tamén para que o escritor Cesáreo Sánchez lea o Manifesto Galego do Día Munidal do Teatro. Canda estas novas, Galaxia aproveita a efeméride para presentar un novo título da colección que mantén coa Escola Superior de Arte Dramática de Galicia. Trátase de “Máquina Hamlet e outras pezas”, a obra fundamental do dramaturgo alemán Heine Müller.

Ademais, a Fundación Autor acaba de convocar dous premios para a creación de textos teatrais dotados con 8.000 euros, a publicación da obra e a súa representación no Ciclo SGAE de Lecturas Dramatizadas. O prazo para concursar remata o vindeiro 30 de xuño.