O Teatro Rosalía da Coruña acolle esta noite a gala de entrega dos Premios María Casares

Ao berro de ¡Nós somos teatro! o dramaturgo e director brasileiro Augusto Boal é o encargado da mensaxe que o Instituto Internacional do Teatro (ITI), organización non gobernamental dependente da UNESCO, difunde cada ano con motivo do Día Mundial do Teatro. A efeméride terá lugar o venres 27 de marzo pero a Asociación de Actores e Actrices de Galicia (AAD) celébrao esta noite coa gala de entrega dos seus premios anuais, os María Casares. Unha cita que será retransmitida en diferido pola Televisión de Galicia (00:15 horas).