A industria conserveira, as instalacións de carga de wofram ou o flamante Meirande, Centro de Interpretación da Batalla de Rande, centran as I Xornadas sobre o Patrimonio Industrial de Rande. O encontro contará coa presenza de especialistas coma Xoán Carmona, que analizará as infraestruturas industriais na enseada de San Simón, ou de Eduardo Rolland, que explicará a pegada da exportación de wolframio durante a Segunda Guerra Mundial neste lugar.
O encontro completarase cunha saída en barco para coñecer o patrimonio que se conserva na enseada de San Simón e cunha visita guiada que permitirá coñecer Meirande, o Centro de Interpretación da Batalla de Rande que ocupa a antiga Fábrica do Alemán nesta localidade.
