Compartíu, xunto co seu irmán David, xira cos Beatles cando estes comezaban a despuntar retratando un dos documentais que abriu unha nova forma de achegarse á realidade. Albert Maysles é unha lenda do documental e onte compartíu un coloquio co público en Play Doc, o festival de documentais de Tui. Lonxe de mitificar o seu traballo, defende a honestidade e a autenticidade da xente que retrataba e que deu lugar a un xénero, o do cinema directo, que xurdiu a finais dos 50 e principios dos 60 para romper con todas as tradicións anteriores, aspirando a capturar a realidade da maneira máis fiel a como acontecen as cousas. Este documetnalista dará mañá unha clase maxistral sobre os seus métodos que se poden comprobar no ciclo de seis filmes que Play-Doc proxecta sobre a súa figura.
Na sección destinada a exhibir os mellores traballos do audiovisual recente están Imaxes secretas de Diana Touceda e Piedade de Otto Roca.
