Os IV Encontros de Filosofía da Costa da Morte reflexionan sobre a sabedoría común

A Universidade Cromática das Virtudes e Axóuxere Editora organizan na Capela do Pilar de Corcubión os IV Encontros de Filosofía da Costa da Morte, que este ano traen á vila mariñeira a Almudena Otero, Rebeca Baceiredo, Ignacio Castro ou Anxo Rabuñal entre outros. Os IV encontros xirarán este ano ao redor da noción de saber compartido que subxace, tralas palabras, nas prácticas populares. Ou como a propia organización di: "Enredémonos pois no encontro con estas expresións ou sabedorías da lingua común que latexan por igual tanto na ortodoxia sagaz do home corrente, coma nalgunhas das expresións culturais, filosóficas e poéticas máis refinadas: de Mairena a Weil ou Lispector, de Nietzsche a Novoneyra, de Heráclito a Eckhart". Canda as presentacións, haberá pola noite haberá sesións de música e poesía a cargo de Koroiev e Nenoescuro.