O Concello de Bueu poderá comezar as obras para a rehabilitación do estaleiro tradicional de Purro. A Dirección Xeral de Costas comunicaba onte que considera viable a actuación, sempre que as obras se limiten ao recinto actual do estaleiro e que o destino das mesmas sexa museístico. O Concello iniciará agora a redacción dun plan de obra que deberá remitir a Costas con vistas a obter a concesión definitiva que permita actuar. O proxecto de recuperación deste conxunto, integrado hai dous anos no Inventario do Patrimonio Cultural, estaba paralizada a falta do informe previo de Costas.
