Denuncian a parálise da recuperación do Estaleiro de Purro

A Plataforma pola Defensa do Estaleiro de Purro, en Bueu, anunciou novas mobilizacións para este mes de febreiro ante a situación de parálise na que se atopan as accións para recuperar este ben. Cando se fan dous anos da inclusión desta antiga carpintaría de ribeira no Inventario do Patrimonio Cultural galego, a ruína continúa a ameazar o conxunto. A plataforma reclama que se axilize por parte do Estado transferencia ao concello dos terreos nos que se asenta o ben para facilitar o desenvolvemento de traballos de mellora.

A Plataforma solicitoulle ao Concello que aprobe unha moción solicitando o desbloqueo da situación do conxunto. Desde o colectivo lémbrase que o estaleiro sofre un progresivo deterioro que pode resultar perigoso xa non só para a súa supervivencia senón para os peóns que circulen polo paseo marítimo da vila.