A Comisión Cuarta de Cultura e Educación do Parlamento acolleu onte a comparecencia de Valentín García, Secretario Xeral de Política Lingüística. Ante preguntas do diputado socialista Francisco Caamaño, García sinalou que a Xunta ten elaborado o recurso de casación ante as sentenzas do Tribunal Superior de Xustiza sobre o Decreto para o plurlingüismo. No entanto, recoñeceu que o goberno galego aínda non decidiu se presentará este recurso, e sinalou que está a valorar se o facer ante o anuncio doutras entidades como Galicia Bilingüe, que xa o presentou, e mais da Real Academia, de reclamar ante o Tribunal Supremo. "A Xunta non pode admitir quedarse fóra dun proceso que outras entidades si están dispostas a seguir".
