Continúa a polémica encol das sentenzas sobreo Decreto para o Plurilingüismo

Logo das múltiples sentenzas do Tribunal Superior de Xustiza de Galicia (TSXG) que declararon inválidos varios artigos do Decreto para o Plurilingüismo no Esino, continúa a polémica sobre a legalidade deste texto. Así, a plataforma Queremos Galego denunciaba o pasado venres que a Xunta tería presentado un recurso de casación ante o Tribunal Supremo as resolucións do TSXG, malia a que publicamente sinalaran que estas sentenzas verificaban a legalidade do texto.

No entanto, desde a Consellaría de Educación aseguran que "que de modo preventivo, e ante o vencemento do prazo, o pasado día 7, anuncioulle ao TSXG o seu dereito a recorrer ás sentenzas comunicadas dez días antes, e á espera de recibir o resto dos fallos". Nese sentido, asegura que "non hai pois presentación de recurso algún" e sinala que "esta foi a información que o TSXG lle remitiu a ‘Queremos Galego’. Con esta comunicación, asegura a Consellaría, simplemente se mantén a porta aberta a posibles recursos ante o Supremo.