A Xunta dá o paso para recorrer as sentenzas contrarias ao decreto

A Consellaría de Cultura e Educación ultima o recurso ás sentenzas do decreto. O primeiro paso deuno onte cando se presentou no Tribunal Supremo como paso preceptivo para presentar un recurso de casación. Fíxoo no último día de prazo alegando que agardou “ata o último momento, por si se producía algunha resposta dialogante e construtiva acerca da proposta que no seu día fixo o presidente da Xunta". O Supremo dispón agora dun máximo de trinta días para comunicarlle á Xunta o prazo que deberá cumprir se pretende presentar formalmente o recurso de casación. No comunicado emitido pola Xunta asegúrase que se pode retirar “se os recorrentes e a oposición aceptaran a mencionada proposta”.