Co suxestivo tÃtulo "De castros a castelos", a Asociación Monte Pindo Parque Natural celebrará en Carnota entre o 1 e o 2 de xuño unhas Xornadas de Historia e Patrimonio destinadas a "comprender os procesos de cambio, as causas da fortificación e da súa decadencia" ao longo da Historia de Galicia. Destacados especialistas reuniranse para tratar sobre os castros e o seu abandono, as fortificacións tardoantigas e altomedievais ou a plenitude do feudalismo e o uso militar das catedrais galegas. As xornadas tamén están abertas á participación doutros investigadores, que poden presentar comunicacións, e compleméntanse con excursións a fortificacións do contorno.
