Diego Anido implica o público nos ensaios da súa última performance

Esta fin de semana, o Salón Teatro acolle unha curiosa función. Non se trata dun espectáculo ao uso, senón máis ben todo o contrario, os inicios dunha montaxe que ten prevista a súa estrea en outubro deste ano. “Agora os procesos son tan importantes como o propio resultado final” explicaba o seu creador Diego Anido(Santiago, 1976), que poñerá en escena un ensaio sobre “a relación entre o actor e o seu títere, intercalando todas as linguaxes posbiles, a teatral, a danza, ventriloquía…”. Estes inicios xorden tras unha residencia de dúas semanas do creador nos espazos do Centro Dramático Galego. O proxecto chámase Symon Pédícrí e é o resultado dunha nova proposta do Festival Alt de Vigo.