Detalle da segunda parte de Citizen. Miguel de Lira (Padre Miguel) á esquerda.
A Mostra das Artes Escénicas acolle o mércores 19 (Salón Teatro, 22:00 horas) a posta en escena dunha das obras máis complexas e peculiares da historia do teatro galego. Citizen (completo) inspírase na personaxe real do creador de Inditex para ofrecer a historia da construción dun imperio económico en Galicia. Danza, teatro de actor e moita “tecnoloxía electrodoméstica” en palabras do seu director, Xesús Ron, en 180 minutos. Un proxecto que se estreou ao longo da temporada 2010-2011 en tres partes.
