O Teatro Principal acolle esta tarde (18:30 horas) a función de Teatro do Noroeste (Último Cowboy ) que abre a Mostra das Artes Escénicas, actividade organizada por Agadic. Por diante quedan tres días nos que se dará información a programadores e xestores culturais de 25 espectáculos da produción recente de teatro, de danza, novo circo e maxia. O Salón Teatro (a partir das 22:00 horas) acollerá despois, coa desaprobación do sector escénico, a primeira das súas sesións de showcases. Son presentación de menos de vinte minutos de duración que pretende reproducir o formato, argumento e atmosfera da montaxe. Esta primeira sesión estará centrada en espectáculos escénicos.
