A Mostra das Artes Escénicas agrupa 25 espectáculos de recente creación

Tres escenarios, vinte e cinco espectáculos e cincuenta programadores ou xestores culturais galegos. Estas son as principais cifras da Mostra das Artes Escénicas, un evento organizado por Agadic e que substitúe a unha feira, pero que mantén o obxectivo de dar a coñecer a produción de artes escénicas (entendido teatro, novo circo, maxia e danza). Son os espectáculos que chegarán ao público nos vindeiros meses. O encontro desenvolveuse despois de varios meses de negociacións co sector teatral, que aproveitou as función para denunciar recortes e pedir a dimisión dos responsables de Agadic, Juan Carlos Fasero, e de Cultura, Roberto Varela.