AGADIC presenta a Mostra que substitúe a Feira Galega de Artes Escénicas

As compañías interesadas en participar na vindeira Mostra de Artes Escénicas que organiza a Axencia Galega das Industrias Culturais teñen ata o vindeiro 3 de outubro para se apuntar. AGADIC facía pública hoxe a convocatoria, na que sinala que o evento se celebrará entre o 17 e o 20 de outubro e que no mesmo poderán verse 25 espectáculos. O Salón Teatro, a SGAE/Fundación Autor e o Teatro Principal acollerán as funcións, que achegarán as novidades en teatro, danza, maxia e novo circo. En total, haberá 11 espectáculos completos e 14 en formato showcase, na que os participantes amosarán 20 minutos das obras.