Despois dunha primeira xornada marcada pola denuncia de Escena Galega (denunciaba que a mostra se financiaba con cargo aos orzamentos de 2012) , hoxe desenvólvese unha das citas máis numerosas. En total representaranse nove espectáculos (dous completos e sete en formato showcase). O Salón Teatro acollerá a segunda das showcases que hoxe está dedicada ás novas tendencias escénicas, a hibridación de xéneros escénicos coa danza, maxia e novo circo.
