Diego Anido aproveita as diferentes linguaxes escénicas para reflexionar sobre a tolemia en “Cascuda”

Se xuntamos nun escenario teatro, clown e danza contemporánea, o resultado é “Cascuda”, a última coprodución do Centro Dramático Galego. Dirixida por Diego Anido (Santiago, 1976), é o resultado dun proceso de traballo de máis dun ano, no que o público de Santiago, Barcelona e Sabadell tivo acceso a un proxecto que reflexiona sobre a discreta liña que separa a tolemia da cordura. Para iso, Anido toma como base as cascudas, as larvas que están nos lugares máis recónditos dos nosos fogares.