Teatro Ensalle estrea a súa primeira obra en galego, que xirará por toda Galicia

Titúlase “Te has perdido el mar” porque conserva o seu título orixinal, pero a obra está en galego. De feito, trátase da primeira obra en galego da compañía de Teatro Ensalle que se acaba de estrear en Vigo e que xirará por Galicia no primeiro semestre. Non é a única obra que se presenta estes días. O venres, o Centro Dramático Galego presenta “Valdemuller”, a adaptación teatral da obra de Xosé A. Neira Cruz. Ademais, estes días o Salón Teatro de Santiago abre as súas portas para que o público vexa os ensaios de “Cascuda” a obra de Diego Anido.