Unha montaxe sobre as frustracións abre a V edición do Isto Ferve en Vigo

A compañía viguesa Teatro Ensalle volve aguilloar as conciencias co seu último espectáculo A última fila. Unha montaxe na que conta a reunión de catro amigos da infancia como pretexto para falar dos desexos persoais e das frustracións. A obra abre unha nova edición do Festival Isto Ferve de Vigo. Diego Anido presentará Cascuda mentres que Teatro de los Manantiales porá en escena Cíclido amarillo. A programación de Teatro Ensalle continuará ata xuño, cando a sala pechará dous meses por reformas que lle permitan preparar a seguinte temporada.