Son todos convocatorias moi coñecidas e agardadas polo sector cultural. O Torrente Ballester de Narrativa (22.500), o Jesús Núñez de Arte Gráfica (6.500), o Castelao de Banda Deseñada (6.500), o Andrés Gaos de Composición Musical (6.500) ata un total de dez galardóns de carácter cultural que volverá convocar este ano a Deputación de Coruña. Nestas convocatorias repartirá 114.500 euros e, como principal novidade destaca que o premio de Lingua RosalÃa de Castro terá este ano por primeira vez dotación económica. Serán 4.500 euros, para “recoñecer a traxectoria dalgunha persoa ou institución en defensa do galego e das tradicións da terra”.
