Convócanse os premios culturais da Deputación da Coruña

O Boletín Oficial da Provincia da Coruña recolle hoxe a convocatoria dos premios culturais que convoca a Deputación da Coruña para 2011, considerados entres os máis prestixiosos do país nos seus respectivos campos. Desta volta, a entidade outorgará os galardóns Castelao de Banda Deseñada, Rafael Dieste de Teatro, Isaac Díaz Pardo de Artes Plásticas, Jesús Núñez de Arte Gráfica, Andrés Gaos de Composición Musical e Torrente Ballester de Narrativa, así como o concurso de rock Deputación da Coruña. Para alén dos galardóns bienais que non se celebrarán este ano, para 2011 tampouco haberá convocatoria do Premio Otero Pedrayo.