Esta tarde terá lugar na Cidade da Cultura o acto de entrega dos Premios da Cultura Galega 2012. Unha entrega que estará enmarcada polas protestas de diferentes colectivos á xestión da política cultural da Xunta. A Asociación Internacional Estudos Galegos que recibiu o premio na categoría Promoción Cultural de Galicia xa anunciou non acudirá á entrega en apoio ás e aos traballadores das artes escénicas e musicais, como tampouco o fará o grupo Airiños, premiado na categoría de artes escénicas. A Plataforma das artes escénicas ten previsto concentrase na rotonda de acceso ao Gaiás a partir das 18:00 horas. A plataforma asegura que en ningún caso queremos boicotear esta cerimonia nin causar prexuízo aos premiados, pero cremos que é un momento perfecto para que nos escoiten, ao tempo que evidenciamos o paradoxo de que os mesmos que entregan os premios sexan quen están a asasinar á cultura galega.
