A óptima conservación da Catedral de Santiago custaría tres millóns de euros anuais

O custe para unha conservación "ideal" da Catedral de Santiago é de 3 millóns de euros anuais. Así o asegura Daniel Lorenzo, responsable da Fundación Catedral na edición de hoxe de El Correo Gallego. E esa cifra é precisa de aquí ata 2012. De momento, as actuacións que se desenvolverán para atallar as filtracións de agua xa están en marcha. Todas estas medidas se enmarcan dentro do Plan Director que contén as liñas básicas de traballo neste complexo. Hoxe tamén sae na prensa outra actuación en materia de Patrimonio. Neste caso no Santuario das Ermidas (O Bolo) onde a Xunta non executou unha partida dun millón de euros para a súa recuperación. A xustificación da administración autonómica é que a titularidade do edificio non é galega (Bispado de Astorga) máis a propiedade privada de terreos afectados que impediron realizar as actuacións.