A celebración do 800 aniversario da consagración da Catedral de Santiago remata con dúas novidades para o edificio. Dunha banda, porque a Fundación Barrié presentou a proposta de actuación que permitirá iniciar as obras de intervención do Pórtico da Gloria. Comezarán unha vez que teñan o visto e prace da dirección xeral de Patrimonio e se convoque un concurso público (por importe de dous millóns de euros). Da outra, porque a Fundación Catedral de Santiago asinou dous convenios que posibilitarán a concreción do Plan Director do complexo e a creación, en breve, da Oficina Técnica de Rehabilitación que coordinará todas as intervencións que se levarán a cabo no edificio, desde as acción prioritarias ata as secundarias.
