Os arquitectos premian as reconstruccións urbanas

Son tempos difíciles para os arquitectos. A crise da construción está a lastrar esta profesión que busca novos camiños para chegar a sociedade e reconducir a súa práctica profesional. E os últimos premios concedidos deste colectivo inciden nesa dirección. En época de crise toca mirar cara a recuperación de espazos, de zonas e de territorios. Esa foi a mensaxe dos XV premios do Colexio de Arquitectos. O de vivenda foi para a rehabilitación de sete edificacións en Vigo e o de equipamento foi para a construción do Centro Ágora, nun dos barrios históricamente máis desatendidos da cidade. Na categoría de espazos abertos públicos, premiouse a reintegración urbá do patrimonio cultural da Chaínza. Ademais, premiaron a traxectoria de Andrés Fernández-Albalat e, a título póstumo, a de Xosé Bar Boo.

Os premiados desta edición nas oito categorías foron:

Categoría: Vivenda
Rehabilitación de 7 edificacións para 9 vivendas e local comercial. Rúa Ferreira 11,13,17,19 e San Sebastián 1,3,5,7 – Vigo. Francisco Javier Vázquez Cendón e Perfecto Cendón Domínguez

Categoría Equipamento
Centro Socio Cultural Ágora. A Coruña. Parc. Z-2-EQ-5, S-2, San Pedro de Visma - A Coruña. Liliana Claudia Obal Díaz, Luis Rojo de Castro e Begoña Fernández-Shaw

Categoría Espazos Abertos Públicos
Reintegración urbana do patrimonio cultural da Chaínza (Fase 1). Chaínza – Noia (A Coruña). Alfonso Salgado Suárez e Francisco Xabier Liñares Tuñez

Categoría: Ordenación do territorio
A Cidade dos Barrios. A Coruña. Estudio MMASA | Ergosfera | Desescribir | Pescaderia 20 | Grupo Dodo

Categoría: Reforma interior
Rehabilitación de edificación para sede dunha fundación. Rúa de Padín, Padín – Negreira. Elizabeth Ábalo Díaz e Gonzalo Alonso Núñez

Categoría: Divulgacion e Investigación
Ex aequo
Spanish Dream. Galicia. Ana Amado Pazos, Luz Paz Agras e Marta Marcos Maroño
A Cidade Intuída. Santiago de Compostela. Javier Fernández Muñoz e Carlos Quintáns Eiras, como coordinadores

Categoría: Obra Novel
Reforma da Facultade de Dereito UDC para a súa adaptación ao Espazo Europeo de Educación Superior (EEES). Campus de Elviña - A Coruña. Elena Sarmiento Díez e Adrián Martín Prieto

Categoría: Final de carreira
Desenvolvemento rural integral da Comunidad Agraria María del Mar. Departamento de Retalhuleu – Guatemala. Carmen Pérez Parapar