O Colexio de Arquitectos entrega os seus XIV premios

Os XIV premios do Colexio de Arquitectos de Galicia premiaron intervencións adaptadas ao seu contorno e que priorizan valores propios e materiais tradicionais. O xurado destes galardóns considerou a Casa Mercedes en Cidade Xardín (A Coruña) como mellor edificio de nova planta, mentres a mellor rehabilitación foi para un proxecto no casco histórico vigués. En Espazos Públicos Abertos seleccionouse a remodelación do Porto de Malpica, en Planificación Urbana o conxunto residencial Mazá Massó en Bueu e en Interiorismo o Centro Cultural da Universidade da Coruña. O premio de Arquitecturas Efémeras foi para o acto de imposición de manos que se celebrou en Baiona.