Luces de Alén Mar: O futuro desde o pasado

Crían que as escolas e a educación podían cambiar Galicia. Investiron grandes cantidades de diñeiro en crear centros educativos modernos nas súas parroquias, concellos e comarcas de orixe; hoxendía, boa parte do seu leigado continúa en pé. Vicente Peña, profesor da Universidade de Santiago e comisario da exposición "Luces de Alén Mar. As escolas de americanos en Galicia", promovida polo Consello da Cultura Galega, explícanos neste vídeo as claves da exposición, así como documentos e espazos emblemáticos. A exposición pódese visitar no Museo Pedagóxico de Galicia ata o 28 de xuño.