A súa localización xeográfica, o estado de conservación, a descrición arquitectónica, os servizos educativos, a documentación histórica relacionada coas escolas e un álbum fotográfico e iconográfico. Isto é o material que recollerá o web das Escolas da Emigración. Un proxecto que é posible grazas á colaboración do Consello da Cultura Galega e a Secretaría Xeral de Emigración da Xunta de Galicia e que fai un inventario das escolas que os emigrados na América construíron no país.
